%d8%ae%d9%88%d8%a7%d8%b1%d9%8a%da%a9%da%9a

خواريکښ بچي ته/ دوست محمد بحر

09.09.2009 21:18

 

خواريکښ بچي ته

 

دې ظالم سماج لوټلي    ستا دلاسو کتا بونه

ستا د شونډو خندا ګانې    ستا د سترګو ښائستونه

 

ستا هم ورځې دي د لوبو   ستا هم دور دے دمنډو

خو غربت دي اچولي   ستا په پښو کښې زنځيرونه

 

چې په سترګو دهر چا   د خود غرضئ پردې پرتې دي

څنګ به ګوري ستا دسترګو   په لېمو کښې ارمانونه

 

هغه سر چې پري منګل  د محبت ايښودل غواړي

هغه سر خوري  د دوران    د ظالمانو ګوزارونه

 

تۀ چې هر سحر ځې خورته ،    وے بنګړي به درله راوړم

هغه زر زر درته ياد کړي،     د پردو بنګړو رنګونه

 

ستړے را غلې ،  په شا توري  کټ کښې پريوتې اودۀ شوې

خو لا وازه خلۀ پراتۀ دي      ستا دشونډو پرهرونه

 

لکه ګل دپسرلي دې   چې لا وخت د موسيدو دے

په نا زک وجود به څنګه،   د خزان زغمې بادونه

 

تۀ وړوکے يې  خو شا به  حو صلې دې کړه بلندي

نړوې په خپل همت به ،     د حالاتو دغه غرونه

 

پاسه او دانګه د بحر  دغريب وطن بچيه

ستاسره دي   ستا زپلي   قام تړلي   اميدونه  

 

دوست محمد بحر

 

Gul Pasand Momand 10.09.2009 18:05

Bahar saib Deer Kha Sheer dai d Khwarikahkho d zindagai Akasi mo Kare da . <br />Baryalitob de Ghwarm<br /> <br />Gul Pasand Momand <br /><br />

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.